NJOFTIM PËR SHTYP

Fushata sensibilizuese “Bankat e shkollave barrikadë ndaj trafikimit”

për të rinjtë në Shqipëri

Tiranë, 17 dhjetor 2007 –Sekretariati i Përgjithshëm për Barazinë Gjinore në Ministrinë e Brendshme të Greqisë, Qendra Kërkimore për Barazinë Gjinore (KETHI) dhe IOM, organizojnë një konferencë shtypi në kuadër të projektit “Aktivitete per parandalimin dhe mbështetjen e viktimave te trafikimit”. Kjo konferencë synon të informojë opinionin publik mbi një fushatë parandaluese me shkollat në dobi të të rinjve shqiptarë. Konferenca e shtypit do të zhvillohet në orën 11.00, në Hotel Tirana International, salla “Consortium”.

Ky projekt, me vlerë totale 220.000 Euro, që financohet nga Republika Greke, realizohet me Ministrinë e Arsimit dhe Shkencës të Republikës së Shqipërisë, si dhe Ministrinë e Arsimit dhe përfshin seminare edukative për nxënës te moshës 14-17 vjeç. Projekti do të testohet në më se 100 shkolla të rrethit të Tiranës, me sloganin “Bankat e shkollave barrikadë ndaj trafikimit”. Qëllimi kryesor i fushatës është të ndihmohen personat, viktimat e dhunës gjinore, ose familjare të lidhura me trafikimin, për të identifikuar rreziqet që shoqërojnë migracionin e parregullt dhe për të informuar të rinjtë mbi kërcënimet e trafikimit.

Nën kujdesin e donatorëve, një ekip multidisiplinar, i përbërë nga punonjës social, psikolog, këshilltar ligjor dhe mjek, ofron këshillim të avancuar në mbështetje të rintegrimit dhe fuqizimit të ish-viktimave shqiptare të trafikimit.

Kjo konferencë shtypi evidenton përpjekjet e kordinuara për parandalimin e trafikimit dhe ndihmën për viktimat e trafikimit në Shqipëri dhe në rajon.

Për më tepër informacion lutemi kontaktoni:

Miriam Neziri Angoni

Zyra e Informimit Publik

Tel: ++ 355 4 257 836/7

Fax: 355 4 257 835